Джэф Безас, кіраўнік кампаніі Amazon.com і найбагацейшы бізнэсмен у свеце па версіі Forbes (эксперты ацэньваюць яго багацце ў $139,6 мільярда), абвясціў пра развод са сваёй жонкай Макензі.
«Мы вырашылі развесціся і працягнуць жыць, застаўшыся сябрамі. У нас было выдатнае жыццё як у пары, а наперадзе ў нас цудоўная будучыня як у бацькоў, сяброў, партнёраў у розных праектах… Назвы могуць быць рознымі, але мы застанемся сям'ёй і сапраўднымі сябрамі», — гаворыцца ў сумеснай заяве Джэфа і Макензі, апублікаванай на старонцы кіраўніка Amazon.com у твітары.
У 1980-я гады Джэф Безас і Макензі Татл у адзін і той жа час вучыліся ў Прынстанскім універсітэце, аднак пазнаёміліся толькі ў 1992 годзе, калі ўжо жылі ў Нью-Ёрку і працавалі ў інвестыцыйным фондзе D.E. Shaw на Уол-стрыт. У 1993 годзе яны пажаніліся, а ў 1994 годзе пераехалі ў Сіэтл, дзе Джэф заснаваў Amazon.com.
У пары чацвёра дзяцей.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары