Парламент у гэтай краіне апазіцыйны.
Нацыянальная асамблея Венесуэлы, большасць у якой належыць апазіцыі, у аўторак звярнулася да іншых краін з просьбай замарозіць банкаўскія рахункі, якія належаць адміністрацыі прэзідэнта Нікаласа Мадуры, перадае Reuters.
Па дадзеных агенцтва, заклік не дапусціць перамяшчэння ліквідных актываў Венесуэлы звернуты да ЗША, ЕС і суседніх краінаў Лацінскай Амерыкі, такіх як Чылі і Бразілія.
Незадоўга да гэтага асамблея таксама прыняла заяву аб узурпацыі ўлады ў краіне Мадурам, паведамляецца на яе сайце. Згодна з рашэннем парламента, усе дзеянні прэзідэнта з моманту яго інаўгурацыі аб'яўляюцца па-за законам.
Перад галасаваннем па законапраекце дэпутат Хорхе Мілан заявіў, што «сёння мы павінны абвясціць, што ў рэспублікі няма прэзідэнта, прынамсі дэмакратычна абранага і легітымнага, а што ёсць спадар, які ўзурпуе ўладу». Ён заклікаў сваіх калег задумацца пра неабходнасць дэмакратычнага транзіту «да выбараў і свабоды».
Цяпер чытаюць
Квадрат у Мінску каштуе рэкордна дорага: нарэшце пабіты рэкорд 2007 года2
Каментары