Амерыканская тэлевядучая Арэва Марцін памылкова назвала свайго калегу Дэвіда Вэба беласкурым і абвінаваціла яго ў тым, што ён мае прывілеі ў адносінах да афраамерыканцаў, піша Daily Mail.
Інцыдэнт адбыўся ў эфіры радыёшоу Вэба. У праграме закранулі тэму нераўнапраўя пры прыёме на працу. Вядучы заявіў, што ніколі не сутыкаўся з расавай дыскрымінацыяй.
Марцін заявіла, што Вэб нічога не ведае пра цяжкасці, таму што з'яўляецца беласкурым. «Ты белы мужчына, у цябе ёсць адпаведныя прывілеі», — адрэзала яна.
«Арэва, не хачу Вам псаваць настрой, але Вы павінны былі лепш падрыхтавацца. Я чарнаскуры», — адказаў Вэб. Ён заўважыў, што такія здагадкі абразлівыя для людзей, якія старанна будуюць сваю кар'еру.
Марцін прыйшлося папрасіць прабачэння. Пазней яна адмовілася каментаваць інцыдэнт.
Цяпер чытаюць
Новы пасол Украіны па пытаннях Беларусі: «Прызнаём Ціханоўскую лідарам. А ў Лукашэнкі няма манаполіі на голас народа»35
Каментары