Расследаванне спраў аб знікненні экс-міністра ўнутраных спраў Юрыя Захаранкі, палітыка Віктара Ганчара і бізнэсмена Анатоля Красоўскага прыпынена. Адпаведныя паведамленні атрымалі іх сваякі, паведамляе Беларускі дакументацыйны цэнтр.
Выкананне папярэдняга следства прыпынена «ў сувязі з невысвятленнем асобы, якая падлягае прыцягненню ў якасці абвінавачанага».
«У выпадку яе высвятлення расследаванне будзе неадкладна адноўлена, пра што Вас апавясцяць дадаткова», — гаворыцца ў паведамленні.
Паведамленні атрымалі Ірына Красоўская, Зінаіда Ганчар і давераная асоба сям'і Захаранкі Алег Волчак.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары