Інцыдэнт адбыўся раніцай 3 лютага каля дома №3 на вуліцы Янкі Купалы ў Віцебску. З даху над пад'ездам упалі вялікія кавалкі лёду і трапілі на машыну Toyota, якая належыць мясцовай жыхарцы, мастачцы і фатографу Ліліі Кулянёнак.
Лёд на машыну зваліўся з даху каля 10 гадзін раніцы. Разбілася задняе шкло. Частка кавалкаў звалілася на казырок пад'езда, а частка — на зямлю.
Жанчына да гэтага часу ў шоку:
— Добра яшчэ, што гэтыя крыгі не зваліліся на маю галаву, мне б гэта наогул не спадабалася. У мяне валасы дуба сталі: калі я разглядала гэтую дзірку ў шкле, з даху ў другі раз сышла цэлая «лавіна». За спіной у мяне грукнуліся на зямлю некалькі вялікіх крыг — памерам як дзве цагліны кожная.
Жанчына кажа, што баіцца цяпер, як бы сыходжанне лёду не паўтарылася.
Урон, як падлічыла гаспадыня пацярпелай машыны, склаў прыкладна 700 рублёў: «Гэта калі ставіць арыгінальнае таётаўскае шкло. Плюс тыдзень, пакуль шкло будзе ісці пад заказ, я буду без аўто. Хіба што зацягнуць плёнкай».
Лілія Кулянёнак кажа, што за ўсю зіму ні разу не бачыла, каб на даху дома чысцілі снег.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда17
Каментары