Пра гэта распавялі прадстаўнікі Белгідрамета, піша Tut.by
За 20 дзён сакавіка тэмпературны фон быў вышэй за кліматычную норму на 2—5 градусаў, — распавядае Аляксандр Бяганскі, начальнік службы метэаралагічных прагнозаў Белгідрамета. — Па папярэдніх прагнозах, да канца месяца тэмпературны фон чакаецца вышэйшым за норму на 2—4 градусы. Сакавік у гэтым годзе цяплейшы, чым звычайна.
Якім будзе красавік? Такія высновы рабіць рана, кажа Аляксандр Бяганскі, паколькі прагнозы ў Белгідрамеце больш чым на тыдзень не складаюцца.
- Па сярэдніх кліматычных паказчыках красавік некалькі цяплейшы за сакавік, у сярэднім на 1 градус.
Эксперт распавядае: у кліматалогіі вясна надыходзіць тады, калі сярэднесутачная тэмпература паветра становіцца вышэй за нуль. У гэтым годзе такі «пераход праз нуль» адбыўся з 2 па 9 сакавіка.
— Гэта на паўтары дэкады раней, чым звычайна, а па паўднёвым захадзе краіны пераход зусім здарыўся яшчэ ў лютым
Каментары