Генеральны сакратар НАТА заявіў, што Альянс выдзеліць сродкі на будаўніцтва. Пра гэта паведамляе Польскае радыё са спасылкай на словы генеральнага сакратара Альянсу Енса Столтэнберга.
НАТА пабудуе ў Польшчы склад для амерыканскай арміі ў мястэчку Повідз (Вялікапольскае ваяводства).
Генеральны сакратар НАТА адзначыў, што на будаўніцтва выдзеляць 260 млн. долараў. Там будуць захоўваць браніраваныя машыны, боепрыпасы і зброю амерыканскай брыгады.
«Гэтая інвестыцыя ў інфраструктуру ў цэнтральнай Польшчы з'яўляецца часткай вялікіх намаганняў, ўмацоўвае ваенную мабільнасць. Дзякуючы папярэдне размешчэннаму абсталяванню, мы павялічым гатоўнасць нашых войскаў да дзеянняў. Гаворка ідзе таксама аб здольнасці хутка перавозіць людзей, а не толькі пра цяжкую тэхніку », — сказаў Столтэнберг.
Паводле яго слоў, інвестыцыя атрымала фінансаванне штаб-кватэры і з'яўляецца ключавой дзякуючы блізкасці буйнога аэрапорта.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк43
Каментары