Праціўніка акумулятарнага завода пад Брэстам, у аўто якога нібыта знайшлі патроны, затрымалі
У Следчым камітэце паведамілі, што распачата крымінальная справа на праціўніка будаўніцтва пад Брэстам акумулятарнага завода Майсея Мазько, мужчына затрыманы.
Нагадаем, 2 красавіка ў аўтамабілі праціўніка будаўніцтва пад Брэстам акумулятарнага завода Майсея Мазько нібыта знайшлі патроны і падобны на запал выбуховага прыстасавання прадмет.
«У ходзе размовы з кіроўцам і праверкі яго дакументаў супрацоўнікі міліцыі заўважылі ў салоне транспартнага сродку палімерны пакет, у якім былі выяўленыя патроны, брыкет неўстаноўленага рэчывы, а таксама прадмет, падобны па знешніх прыкметах на запал выбуховага прыстасавання», — гаворыцца ў паведамленні.
Па выніках экспертызы выяўленыя патроны з'яўляюцца боепрыпасамі да розных пісталетаў, вінтовак, карабінаў і стрэльбаў.
Крымінальную справу завялі па ч.2 арт. 295 (Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Мужчыну пагражае пакаранне ад выпраўленчых работ да пазбаўлення волі на тэрмін да сямі гадоў.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары