Бабруйскі ўхілянт бегаў ад войска, пакуль не злавілі. Пасля дэмбеля паехаў ваяваць за Пуціна — у адзін канец
Стала вядома пра гібель на фронце яшчэ аднаго беларуса, які пайшоў ваяваць за Расію. 29‑гадовы Андрэй Мігай на радзіме бегаў ад ваенкамата, але служыць усё ж прымусілі. Пасля перабраўся ў Расію, знайшоў сабе расіянку і вырашыў сарваць куш.
Андрэй Мігай нарадзіўся ў Бабруйску ў сакавіку 1996-га.
Скончыў Бабруйскі дзяржаўны аграрна-эканамічны каледж, па дадзеных Belpol, у Мігая была судзімасць за ўхіленне ад войска. Аднак, усё ж адслужыў.
Пасля дэмбеля з'ехаў у Расію, знайшоў там дзяўчыну, працаваў на будоўлі зваршчыкам. Па якой прычыне ў канцы 2025‑га вырашыў ехаць на фронт — невядома.
У лютым 2026 года, пасля вучэбкі, беларусу даверылі кіраваць падраздзяленнем з дзясятка смяротнікаў, якое кідалі ў мясныя штурмы. Сам Мігай пры гэтым таксама быў штурмавіком, проста на паперы — начальнікам.
Ужо 13 сакавіка 2026 года Мігая, па словах яго дзяўчыны, прызналі без звестак зніклым, а 6 мая выявілася праўда — Мігай загінуў.
Наступная група расійскіх штурмавікоў сфатаграфавала целы тых, хто загінуў да іх. У адным з трупаў сваякі Мігая і апазналі яго — па фотаздымку спіны з характэрнымі адзнакамі.
Расійская армія не бярэ на сябе рызыку эвакуацыі цел у раёнах актыўных баявых дзеянняў — усё, што рухаецца, знішчаюць украінскія дроны. Таму дадому, у Бабруйск, прыехаў толькі расійскі ваенны білет і жэтон байца 506 мотастралковага палка 27 гвардзейскай дывізіі.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары