Эпатажнага «святара» з Наваградка асудзілі за сэкс без папярэджання пра ВІЧ
Жыхара Наваградку Дзьмітрыя Бондара, больш вядомага ў сацыяльных сетках як «япіскап сьвету», асудзілі на 1,5 года пазбаўленьня волі ў калёніі агульнага рэжыму. Прысуд абвясьцілі ў судзе Наваградзкага раёну 16 красавіка, паведамляе «Радыё Свабода».
У гэты тэрмін залічаць болей за паўгода, што Бондар ужо правёў у СІЗА.
Пра гэта расказала сяброўка Дзьмітрыя Бондара Ніна Паўлоўская.
Бондара прызналі вінаватым у «заведамым стварэньні для іншай асобы небясьпекі заражэньня вірусам імунадэфіцыту чалавека (ВІЧ)» (ч. 1 арт. 157 Крымінальнага кодэксу), то бок у тым, што ён не папярэджваў сваіх сэксуальных партнэраў, што мае ВІЧ. Па словах маці і сяброў, Дзьмітры пры палавых кантактах выкарыстоўваў сродкі абароны.
Вядома, што пяцёра чалавек былі прызнаныя пацярпелымі, але ў судзе яны заявілі, што ня маюць прэтэнзій да Бондара.
Дзьмітры плянуе абскарджваць прысуд.
Справу разгледзелі за 4 дні ў закрытым рэжыме.
Да гэтага фігурант больш за паўгода знаходзіўся ў горадзенскім СІЗА.
Праваабаронцы ў сфэры ВІЧ раней прасілі суд апраўдаць Бондара. На іхную думку, у дзеяньнях мужчыны не было віны.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары