У англійскім палацы наведнікам дазволяць скарыстацца па прызначэнні залатым унітазам
У Блэнхеймскім палацы ўсталююць залаты ўнітаз і дазволяць наведнікам ім карыстацца. Экспанат прывязуць на восеньскую біенале і размесцяць побач з пакоем, дзе нарадзіўся Уінстан Чэрчыль, паведамляе The Guardian.
Як менавіта будуць пускаць у прыбіральню турыстаў — па жывой чарзе ці па папярэднім запісе, — кіраўніцтва палаца яшчэ не вырашыла. Падкрэсліваюць толькі, што ля экспаната будзе дзяжурыць узмоцненая ахова.
Лорд Спэнсар-Чэрчыль сказаў выданню, што з нецярпеннем чакае адкрыцця выставы. Ён пажартаваў, што, хоць і нарадзіўся са срэбнай лыжкай у роце, але на такой раскошы, як залаты ўнітаз, ніколі не сядзеў.
Пампезны экспанат з золата 750-й пробы — работа італьянскага скульптара Маўрыцыа Катэлана. Яна сімвалізуе празмернае багацце некаторых амерыканцаў. У 2016 годзе скульптура ўжо дэманстравалася ў грамадскай прыбіральні музея Гугенхайм у Нью-Ёрку. Тады твор мастацтва наведала 100 000 чалавек.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары