Кампаненты сістэмы M20 Missile Weapon System Model спрабавалі завезці ў Літву на двух грузавых аўтамабілях з Беларусі, піша Delfi.
Груз агледзелі спецыялісты Інспекцыі стратэгічных тавараў Цэнтра кантролю перамяшчэння Узброеных сіл Літвы. З улікам забарон і абмежаванняў на ўвоз ваеннага абсталявання прынялі рашэнне вярнуць аўтамабілі і абсталяванне ў Беларусь.
Прадстаўнік Крымінальнай службы мытні Гедымінас Кулікаўскас сказаў, што сістэму запуску ракет хацелі вывезці ў Кітай праз Клайпедскі порт. У Беларусь гэтая сістэма з Кітая трапіла па чыгунцы праз Расію. Яна экспанавалася на ваеннай выставе ў Мінску.
Сістэму запуску ракет спрабавалі завезці ў Літву ў панядзелак пасля абеду.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?14
Каментары