Намеснік міністра замежных спраў па пытаннях еўрапейскай інтэграцыі Алена Зеркаль паведаміла аб падрыхтоўцы першага замежнага візіту прэзідэнта Украіны Уладзіміра Зяленскага ў Брусэль, піша УНІАН.
У рамках першага замежнага візіту Зяленскі правядзе сустрэчы з прэзідэнтам Еўрапейскай камісіі Жанам-Клодам Юнкерам, прэзідэнтам Еўрарады Дональдам Тускам, еўракамісарамі, генеральным сакратаром НАТА Енсам Сталтэнбергам і іншымі высокапастаўленымі асобамі.
Паводле яе слоў, з Тускам і Юнкерам будуць абмяркоўвацца больш стратэгічныя пытанні. «Гэта будзе такі бліц, у якім ён павінен сустрэцца з вельмі вялікай колькасцю людзей, якія даўно ў палітыцы і даўно назіраюць за Украінай», — адзначыла намеснік міністра.
Каментары