Хачу падзяліцца ўражаннямі з візыту Лукашэнкі ў Беразіно.
Наш раён лічыцца апошнім у вобласці па эканамічных паказчыках і першым па злачыннасці. Да прыезду Лукашэнкі фактычна толькі ў цэнтры былі роўныя ходнікі і больш‑менш нармальная дарога. Але за два месяцы шмат што змянілася: па галоўнай вуліцы «хоць яйка качай», цэнтар адрамантаваны і падмаляваны. Горад папрыгажэў.
Не абышлося без маразмаў. У дождж малявалі платы і агароджы, якія пасля перамалёўвалі, у мароз людзей некалькі гадзін трымалі на плошчы, аж прыедзе шаноўны госць. Што казаць, увесь цэнтар перакрылі, і службоўцаў бяспекі было ці не болей за прысутных бярэзінцаў. Сама бачыла як сабакі абнюхалі кожны люк на плошчы, а тады яшчэ і людзі пазазіралі туды. Бяспека ёсць бяспекай.
Цяпер чытаюць
Анжаліка Мельнікава пасля знікнення набыла дзве кватэры ў Мінску90
Каментары