Грамадства1414

Pussy Riot: Нам патэлефанавала Наталля Качанава і папрасіла прабачэння за забарону на ўезд

У прыёмнай Адміністрацыі прэзідэнта пацвердзілі факт такой размовы, але адмовіліся каментаваць яе змест, піша Радыё Свабода.

Кіраўнік Дэпартамента грамадзянства і міграцыі Аляксей Бягун пацвердзіў Радыё Свабода, што Нікульшына і Курачава не маюць забароны на ўезд у Беларусь і могуць прыехаць на Еўрагульні.

Вольга Курачава і Вераніка Нікульшына маюць запіс размовы з жанчынай, якая назвалася кіраўніцай Адміністрацыі прэзідэнта Беларусі Наталляй Качанавай, выказала шкадаванне аб тым, што адбылося, і запрасіла прыязджаць у Беларусь.

17 чэрвеня ўдзельніцам гурту Pussy Riot, якія ляцелі транзітным рэйсам у Кіеў з перасадкай у Мінску, паставілі штамп аб забароне на ўезд у Беларусь да 2020 года. Забарону пацвердзіў прэс-сакратар Памежнага камітэта Беларусі.

Удзельнік гурту Пётр Вярзілаў расказаў Свабодзе, што спачатку з дзяўчатамі звязаўся нехта, хто назваўся прадстаўніком МУС. Удакладніў іхны тэлефон, а пазней адбыўся такі званок у «Тэлеграм». Вось яго расшыфроўка:

— Вольга Уладзіміраўна, гэта вас турбуе кіраўнік адміністрацыі Беларусі Наталля Іванаўна Качанава.

— Вельмі прыемна… А можна вас папрасіць крыху грамчэй казаць, усё-такі сувязь не вельмі добрая.

— Вольга Уладзіміраўна, ну маніторым мы тут усю сітуацыю. І Аляксандр Рыгоравіч, прэзідэнт наш, даведаўся пра гэтую сітуацыю, што тут нейкія прэтэнзіі да вас. Дык вось, вы ведаеце, у нас да вас няма ніякіх прэтэнзій. Вольга Уладзіміраўна, калі ласка, у беларускага боку няма да вас ніякіх прэтэнзій. Калі хочаце, прыязджайце, будзем радыя.

…Ну ведаеце, як заўсёды, дзесьці перастар… перапрацавалі нашы органы, незразумела па якіх пытаннях, таму тут ужо так атрымалася…

— Мы разумеем, дзякуй вам вялікі.

— Кажу, што было здзіўленне, проста здзіўленне — навошта, чаму, што? Мы ўбачылі са сродкаў масавай інфармацыі, убачыў наш прэзідэнт, кажа: «Божа, што гэта такое? А якія ў нас да іх пытанні? Няма ніякіх пытанняў». Усё, няма пытанняў, значыць, я вам тэлефаную. Так што, Вольга Уладзіміраўна, усяго добрага вам.

«Калі ў нашых базах дадзеных няма звестак пра тое, што ім забаронены ўезд на тэрыторыю Рэспублікі Беларусь, яны будуць прапушчаныя», — паведаміў Свабодзе прадстаўнік прэс-службы Памежнага камітэта Антон Бычкоўскі. Паведамляць, ці адмененая ў дачыненні дзяўчат забарона на ўезд, ён адмовіўся, спаслаўшыся на тое, што гэта асабістыя звесткі.

«Мы, вядома, вельмі моцна былі зьдзіўленыя, — кажа Пётар Вярзілаў. — Здзіўленыя, па-першае, раптоўнай забароне, бо дзяўчаты не ляцелі ў Мінск і не мелі планаў выходзіць у Мінску. Усім кампетэнтным органам было відавочна, што яны ляцяць транзітам з Масквы ў Кіеў, не маюць ніякіх планаў знаходзіцца ў Беларусі.

І ўдвая больш дзіўным быў факт такога тэлефанавання, бо Беларусь вядомая сваім даволі строгім стаўленнем да дысідэнтаў. Але радасна, што прынамсі так хутка кіроўныя асобы краіны адрэагавалі на такую дзіўную забарону і знялі яе асабістым тэлефанаваннем кіраўніцы Адміністрацыі прэзідэнта Беларусі. І я, і дзяўчаты моцна здзівіліся гэтаму факту».

Каментары14

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Шпакоўскі даў зразумець, што знакавых палітвязняў могуць вызваліць пры ўмове выезду за мяжу18

Шпакоўскі даў зразумець, што знакавых палітвязняў могуць вызваліць пры ўмове выезду за мяжу

Усе навіны →
Усе навіны

Памёр Павел Рудзеня — невідушчы радыёвядучы з Мінска

Чалавек з фізічнай інваліднасцю ўпершыню стаў касманаўтам2

Як уласнымі рукамі стварыць VPN-сервер, які цяжка будзе заблакаваць — падрабязны гайд22

Ці прайгралі людзі, якія пайшлі за Бабарыкам? Адказвае Краўцоў36

Разведка ЗША не бачыць у Пуціна зацікаўленасці ў рэальным мірным пагадненні па Украіне8

Беларус праваліўся пад лёд на возеры і зняў гэта на ВІДЭА

Стала вядома, што за амерыканец нядаўна быў вызвалены з беларускай турмы8

Старажытныя еўрапейцы ў большасці сваёй былі цемнаскурыя18

Макрон склікае другую за тры дні тэрміновую сустрэчу заходніх лідараў19

больш чытаных навін
больш лайканых навін

Шпакоўскі даў зразумець, што знакавых палітвязняў могуць вызваліць пры ўмове выезду за мяжу18

Шпакоўскі даў зразумець, што знакавых палітвязняў могуць вызваліць пры ўмове выезду за мяжу

Галоўнае
Усе навіны →

Заўвага:

 

 

 

 

Закрыць Паведаміць