Яны пабраліся шлюбам у Дзень закаханых — 14 лютага.
Рамантычнай гісторыяй, у якой было ўсё — і каханне, і доўгая разлука, і шчаслівая выпадковая сустрэча — падзяліўся чытач Newgrodno.by Аляксандр.
«Здаецца, што гэта магло б стаць сцэнаром фільма, але ўсё гэта — рэальнае жыццё. У ёй заўсёды ёсць месца для самых неверагодных і цудоўных падзей», — усміхаецца мужчына.
Аляксандр рос у Гродне. У 16 гадоў хлопец сустрэў сваю першую любоў — дзяўчыну Ірыну. Пачуцці аказаліся ўзаемнымі. Маладыя людзі вучыліся разам, потым паступілі ў адзін універсітэт, а затым згулялі вяселле. Тады ім было ўсяго па 19 гадоў.
«У жыцці здараецца рознае. Нам давялося развесціся. А потым лёс разнёс нас па розных краінах», — прыгадваюць былыя закаханыя.
Пасля разводу яны не падтрымлівалі сувязь больш за 20 гадоў. Але ўсё змяніў адзін выпадковы званок.
«Я тады быў у цяжкім маральным стане. Проста трэба было з кімсьці пагаварыць. І раптам — азарэнне — Ірына. Але ў мяне нават не было яе нумара. Давялося звярнуцца да нашых агульных знаёмых», — расказвае Аляксандр.
Ірына званку здзівілася. Але слухаўку не паклала. Адна размова, другая… А потым сустрэча.
«І вось 14 лютага 2025 года, у Дзень усіх закаханых, мы зноў ажаніліся», — усміхаецца Аляксандр.
Маладыя поўныя аптымізму. Жыць плануюць у Гродне: будуць зноў будаваць сваё сямейнае шчасце.
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
-
Яноціха Ясенія, якая нелегальна прыехала з ЗША, знайшла мужа ў Баранавічах
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я17
Каментары