Horki.info (газета «УзГорак») адключыла сайт пасля прызнання яго «экстрэмісцкім» і выдаліла pdf-архіў
Архіў газеты «УзГорак» у фармаце PDF таксама стаў недаступным. Усе старонкі ў сацыяльных сетках выдалены.
Рэспубліканскі «спіс экстрэмісцкіх матэрыялаў» быў абноўлены 18 лютага Міністэрствам інфармацыі. Рашэнне аб прызнанні сайта экстрэмісцкім прыняў суд Ленінскага раёна Магілёва.
Газету «УзГорак» у 2009 годзе афіцыйна зарэгістраваў актывіст Эдуард Брокараў, які быў яе галоўным рэдактарам да сваёй смерці ў 2010 годзе. Да гэтага ён займаўся праектамі малапамернай прэсы (да 299 экзэмпляраў), піша Mayday.team.
Доўгі час «УзГорак» заставаўся адзіным незалежным зарэгістраваным выданнем у Магілёўскай вобласці. Газета выходзіла тыражом 1000 экзэмпляраў, не закранала вострыя палітычныя тэмы, але крытыкавала мясцовую ўладу.
У верасні 2022 года газета прыпыніла выпуск друкаванай версіі, і рэдакцыя працягнула працу ў інтэрнэце. Восенню таго ж года ў шэрагу грамадзян, якія супрацоўнічалі з выданнем, прайшлі палітычна матываваныя ператрусы.
Каментары