Відэа, на якім ён правальваецца пад лёд возера Юбілейнага, перадаў у аддзел МНС жыхар Гродна.
Скрыншот з відэа
Падчас катання на каньках мужчына вырашыў адысці далей да зараснікаў, дзе лёд аказаўся занадта тонкім. У выніку ён пайшоў пад ваду, аднак здолеў выбрацца на паверхню самастойна. Але так шанцуе далёка не ўсім.
У МНС нагадваюць: каб пазбегнуць трагедыі на лёдзе, важна памятаць некалькі правілаў.
Лёд таўшчынёй не менш за 7 см можа вытрымаць чалавека, але гэта не гарантуе яго трываласць. Увогуле ж трываласць лёду можна вызначыць па колеры:
- блакітны — самы трывалы;
- белы — у два разы менш трывалы;
- шэры, матава-белы або з жаўтлявым адценнем — ненадзейны.
У месцах з хуткім цячэннем, вусцях рэк, побач з кустамі і чаротам лёд асабліва тонкі.
Абвязковым элементам бяспекі мусіць быць выратавальная камізэлька.
Каментары