Гродзенец вырашыў завязаць з алкаголем. І выбраў максімальна нечаканы спосаб
У Гродне 38-гадовы нецвярозы мужчына ўчыніў пагром у краме. Такім чынам ён вырашыў развітацца з алкаголем.
Мужчына ўжываў спіртное дома ў выходны дзень. Пасля, на куражы вырашыў прагуляцца па вуліцы, паведамляе гродзенская міліцыя.
Затым мужчына зайшоў у краму і папрасіў прадаўшчыцу націснуць трывожную кнопку. А пасля запусціў шкляную бутэльку ў вітрыну і разбіў пяць пляшак з алкагольнай прадукцыяй.
Выйшаўшы з крамы, мужчына спакойна стаў чакаць супрацоўнікаў міліцыі, якія яго і затрымалі.
Раней хуліган ніколі да крымінальнай адказнасці не прыцягваўся. Свой учынак мужчына патлумачыў тым, што хацеў завязаць са спіртным і што ўжываць алкаголь нікому не варта.
Аднак развітаўшыся з алкаголем, мужчына павітаўся з крымінальнай справай за хуліганства. Цяпер яму пагражае да 3 гадоў пазбаўлення волі.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?4
Каментары