Менскім раённым аддзелам Следчага камітэта праводзіцца даследчая праверка па факце атручэння работнікаў арганізацыі, якая займаецца рамонтам і абслугоўваннем свідравін. Пра акалічнасці здарэння паведамляе сайт ведамства.
31 ліпеня чацвёра работнікаў прыватнай фірмы займаліся рамонтам водазаборнай свідравіны на тэрыторыі дома-інтэрнату для ветэранаў вайны і працы ў Мінскім раёне.
На глыбіні каля 3 метраў 29-гадовы майстар страціў прытомнасць, атрымаўшы атручэнне парамі назапашаных газаў ад мотапомпы, якая працуе на бензіне. Аказаць дапамогу пацярпеламу спусціўся 24-гадовы мужчына і таксама адчуў слабасць.
Пасля іх калегі, якія знаходзіліся на паверхні, надзеўшы ахоўныя маскі, з дапамогай супрацоўнікаў інтэрната выцягнулі пацярпелых.
Чацвёра мужчын былі дастаўлены ў аддзяленне таксікалогіі ў стане сярэдняй ступені цяжкасці. Яны знаходзяцца пад наглядам медыцынскіх работнікаў.
Тым часам следчыя з удзелам эксперта правялі агляд месца здарэння, апыталі відавочцаў. Таксама ўзятыя пробы паветра, канфіскавана абсталяванне работнікаў.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай82
Каментары