У Слоніме супрацоўніца банка падманула знаёмых на 540 тысяч рублёў
Супрацоўніцу банка са Слоніма абвінавачваюць у тым, што яна вымантачыла ў знаёмых 540 тысяч рублёў, паведамляе Следчы камітэт.
Са студзеня 2014 года па кастрычнік 2018 года, выкарыстоўваючы даверныя адносіны з пацярпелымі, жанчына прасіла іх пазычыць ёй грошы пад рознымі выдуманымі прычынамі. Марнуючы грошы, яна першапачаткова не збіралася іх вяртаць.
У красавіку 2017 года пры звароце адной са знаёмых кліентак у банк, каб закрыць крэдытны дагавор, супрацоўніца банка толькі для выгляду апрацавала такую заяву апошняй. Неабходныя дакументы па закрыцці дагавора і вяртанні банкаўскай аплатнай карты абвінавачаная не аформіла. Потым пры дапамозе карты ашуканай кліенткі яна здымала гатоўку, аплачвала тавары і паслугі.
Прычыненую шкоду нікому з пацярпелых абвінавачаная не пакрыла.
Жанчына застаецца пад вартай.
У Лагойску пекар адмаўляецца прадаваць свой хлеб пакупнікам, у якіх ёсць сабакі84
Каментары