Улады Львова закупілі беларускія эвакуатары, але цяпер адмаўляюцца ад іх — там знайшлі расійскія дэталі
Украінскі Львоў атрымаў тры новыя эвакуатары МАЗ, якія планавалася купіць на ўмовах фінансавага лізінгу. Аднак пасля агляду і тэставага выпрабавання аднаго з эвакуатараў выявілі шматлікія заўвагі да яго работы. Камісія склала акт праверкі і верне тэхніку пастаўшчыку, піша Zaxid.net.
Як адзначыў Сяргей Бабак, намеснік мэра Львова па пытаннях бяспекі горада, тэхніку даставілі ў Львоў 23 ліпеня. Пасля гэтага яе тэстава выпрабавалі на вуліцах горада і правялі агляд. Камісія выявіла заўвагі да тэхнічных і нарматыўных характарыстык машын. Акрамя таго, высветлілася, што асобныя агрэгаты рухавіка і хадавой часткі выраблены ў Расіі, хоць раней сцвярджалася, што машыны зроблены выключна з беларускіх камплектуючых.
Усе заўвагі адзначылі ў акце праверкі, тэхніку адправяць назад пастаўшчыку.
«Беручы пад увагу тэхнічныя заўвагі і заканадаўчыя акты, якія забараняюць гандаль з краінай-агрэсарам, лічым недапушчальным выкарыстанне такой тэхнікі ў Львове. Такім чынам, мы будзем патрабаваць ад пастаўшчыка замяніць тэхніку, каб яна адпавядала тэхнічным і эксплуатацыйным нарматывам для эфектыўнага яе выкарыстання на вуліцах Львова, альбо вяртання авансавага плацяжу», — адзначыў Сяргей Бабак.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак5
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары