Лукашэнка абмеркаваў з Засем пытанні бяспекі і вынікі нядаўніх міжнародных сустрэчаў
Аляксандр Лукашэнка правёў сустрэчу з дзяржаўным сакратаром Рады бяспекі Беларусі Станіславам Засем, на якой былі абмеркаваны пытанні бяспекі і вынікі нядаўніх міжнародных сустрэч, піша БЕЛТА.
«Тэма бяспекі цяпер у цэнтры ўвагі. Дзякуючы гэтай тэме і Мінск сёння трапіў у топ навінаў па пытаннях бяспекі ў сувязі з канферэнцыяй, якую праводзіць ААН», — сказаў кіраўнік дзяржавы.
Ён адзначыў, што якраз перад сустрэчай са Станіславам Засем абмяркоўваў адпаведныя праблемы і вылучаныя беларускім бокам ініцыятывы з намеснікам генеральнага сакратара — кіраўніком Контртэрарыстычнага упраўлення ААН Уладзімірам Варанковым. «Тэма гэтая аказалася актуальнай не толькі ў Беларусі, але і Еўропе, на міжнароднай арэне», — канстатаваў беларускі кіраўнік.
Аляксандр Лукашэнка таксама папрасіў Станіслава Зася выказаць сваю пазіцыю па выніках шэрагу міжнародных сустрэч, у тым ліку візіту ў Мінск дарадцы прэзідэнта ЗША па нацыянальнай бяспецы Джонам Болтанам і наступных перамоваў у Варшаве. Яшчэ адна тэма — сумесная праца з Расіяй па праблемах бяспекі.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары