Галоўны корпус Нацыянальнага мастацкага музея Беларусі закрыецца на рэканструкцыю ў другой палове 2026 года. Пра гэта ў эфіры праграмы «Марков. Ничего личного» на АНТ расказала генеральная дырэктарка ўстановы Ірына Мацяс.
«Паводле планаў, калі ўсё пойдзе добра і з афармленнем праекта, і з дакументальнай часткай, то гэта будзе другая палова 2026 года. То-бок летам галоўны корпус ужо будзе закрывацца. Мы яшчэ будзем гэта анансаваць, безумоўна, будзем ладзіць развітанне з работамі, [выстаўленымі ў музеі].
Я сапраўды прапаную наведвальнікам цяпер, да чэрвеня, пакуль ёсць магчымасць, прыходзіць і атрымліваць асалоду. Але не ўсе работы будуць схаваныя: частка работ пераедзе ў прыбудову, нешта будзем паказваць на выставах. Але, вядома, большая частка класічных твораў рускага мастацтва часова сыдзе са сцэны на адпачынак. Ну і нешта паедзе ў рэгіёны».
Па планах рэканструкцыя павінна завяршыцца да канца 2027 года.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары