Беларуска з пратаколам па 23.34 хоча атрымаць выплаты за смерць бацькі на «СВА». Але не спяшайцеся асуджаць
30‑гадовая Маргарыта Турко вядзе меланхалічныя сацсеткі, у якіх публікуе сваіх катоў, папугаяў, замалёўкі з агароду ды кухні і зрэдку — малога сына. Праўда што, днямі яна апублікавала незвычайную для сябе гісторыю: прызналася ў Threads, што яе бацька «памёр на СВА», а сама яна хоча атрымаць «пахавальныя» грошы. Допіс разляцеўся, адразу ж набеглі ўкраінцы са зразумелымі эмоцыямі: «Не памёр, а падох», «А ты сама ўжо калі?», «Жадаю вашай сям'і найхутчэйшага ўз'яднання!». Але ў гісторыі ёсць нюансы.
Загінулага на пуцінскай вайне бацьку Маргарыты зваць Яўген Калеснік. Тое, што ён насамрэч загінулы, мы ведаем толькі з паведамлення яго дачкі, іншым чынам праверыць гэтую інфармацыю пакуль немагчыма — пасля сябе Яўген пакінуў толькі набор старонак УКантакце, з якіх сапраўды даўно не быў анлайн.
Яўген, паводле інфармацыі Belpol, нарадзіўся ў Оршы, а прапісаны быў у вёсцы Канашкова ў Лёзненскім раёне. У сацыяльных сетках ён пазначыў месцам свайго жыхарства Санкт-Пецярбург. Пахаваюць яго таксама ў Расіі.
Адказваючы на закіды пра бацьку, Маргарыта наўпрост напісала інтэрнэт-каментатарам: «Мой бацька памёр і мне не по**й толькі на выплаты. Я не бачыла яго ўсё сваё жыццё, ён не ўдзельнічаў у маім жыцці. Потым ад аліментаў зваліў у РФ і там, здаецца як, ажаніўся. А потым пайшоў на «СВА». А я тут пры чым? Мне як бы по**й».
«У яго проста не было сэнсу ў жыцці. Матаўся, як гаўно ў палонцы. Жыў у Расіі і, магчыма, так спрабаваў знайсці для сябе нейкі сэнс. Самаразбуральныя паводзіны. Магчыма, з псіхікай нешта было не так», — напісала Маргарыта пра біялагічнага бацьку.
Паводле базаў Belpol, дзяўчыне сапраўды ёсць на што крыўдаваць: яе бацьку ў Беларусі пяць разоў судзілі за нясплату аліментаў на карысць дачкі.
Такім чынам, «пахавальныя» пасля смерці — адзіны, апошні спосаб беларускага наёмніка нарэшце расплаціцца з дачкой. Праўда, калі Яўген Калеснік быў жанаты ў Расіі другі раз, то Маргарыце прыйдзецца пазмагацца за выплаты з другой сям'ёй свайго біялагічнага бацькі.
Дарэчы, хаця сама дзяўчына не лічыць смерць бацькі трагедыяй і падкрэслівае толькі фінансавую зацікаўленасць, гэта ўжо другі за кароткі час адыход роднага ёй чалавека. Па яе ўласных словах, два з паловай гады таму ў аварыі загінуў яе муж. На той момант іх дзіцяці было шэсць месяцаў.
Сама Маргарыта ў 2020‑м атрымала пратакол па сумнавядомым артыкуле 23.34.
«Наша Нiва» — бастыён беларушчыны
ПАДТРЫМАЦЬ
Каментары
Мужык мудак і грошы у яго брудныя ..ні дададуць шчасця
Дачка....дзяўчынка уся у бацьку