Украінскі МЗС выказаў рашучы пратэст з-за правядзення 8 верасня расійскіх мясцовых выбараў у Крыме і заклікаў міжнародных партнёраў узмацніць ціск на РФ. Адпаведную заяву пашырыла ў нядзелю дыпведамства Украіны.
«Вынікі гэтага незаконнага галасавання з'яўляюцца юрыдычна нікчэмнымі, не будуць мець ніякіх прававых наступстваў і не будуць прызнаныя ні Украінай, ні міжнароднай супольнасцю. Усе датычныя да арганізацыі і правядзення незаконнага галасавання ў часова акупаваным Крыме асобы будуць несці адказнасць згодна з заканадаўствам Украіны», - гаворыцца ў тэксце заявы, апублікаванай на сайце МЗС.
У МЗС таксама заклікалі «міжнародных партнёраў даць прынцыповую ацэнку пазапраўным дзеянням Расіі па арганізацыі і правядзенні» мясцовых выбараў у Крыме і «павялічыць ціск на РФ».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары