Шматдзетнаму палітвязню дадалі да чатырохгадовага тэрміну яшчэ 8 месяцаў
Шматдзетнага бацьку і прадпрымальніка Паўла Кунцэвіча асудзілі па арт. 411 КК РБ «Злоснае непадпарадкаванне патрабаванням адміністрацыі папраўчай установы», даведаўся Dissident.by.
У 2024 годзе Паўла Кунцэвіча асудзілі на 4 гады пазбаўлення волі ў калоніі агульнага рэжыму па ч. 3 арт. 361 КК РБ за «заклікі да санкцый або іншых дзеянняў, накіраваных на шкоду нацыянальнай бяспецы Беларусі». Рашэнне вынес Мінскі гарадскі суд 22 студзеня 2024 года. Пакаранне ён адбываў у калоніі №15 (Магілёў).
У 2025 годзе суд прызначыў Паўлу яшчэ 8 месяцаў зняволення па арт. 411 КК РБ, пасля чаго яго перавялі ў калонію № 8 (Орша).
Паўлу Кунцэвічу 39 гадоў. Ён мінчук, вучыўся на псіхолага ў Мінскім дзяржаўным інстытуце экалогіі імя Сахарава. Раней меў уласную гандлёвую кропку на Чэрвенскім рынку, апошнім часам зарабляў, робячы цяпліцы. У Паўла жонка і чацвёра дзяцей, якія чакаюць яго дома.
Артыкул 411 КК РБ выкарыстоўваецца як інструмент дадатковага ціску на палітвязняў і для падаўжэння тэрміну зняволення ўжо пасля вынясення асноўнага прысуду. Як мінімум 77 палітзняволеных у Беларусі падвергліся дадатковаму пакаранню па гэтым артыкуле.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары