Крэмль пракаментаваў рашэнне Лукашэнкі падпісаць пагадненне аб спрашчэнні візавага рэжыму з ЕС
У Крамлі заявілі, што рашэнне кіраўніка Беларусі пра падпісанне пагадненняў з Еўрасаюзам аб спрашчэнні выдачы віз і аб рэадмісіі не адаб'ецца на інтэграцыйных працэсах з Расіяй, паведамляе ТАСС.
«Гэта ўнутраная справа Беларусі. Гэта не павінна перашкаджаць далейшаму развіццю інтэграцыйных працэсаў, бо існуючыя рэжымы паміж Расіяй і Беларуссю, вядома, улічваюцца пры правядзенні такіх перамоваў і так ці інакш ўзгадняюцца паміж партнёрамі», — заявіў прэс-сакратар прэзідэнта Расіі Дзмітрый Пяскоў.
Ён нагадаў, што ў свой час Расія вяла такія ж перамовы з Еўрасаюзам, да таго «як адносіны Масквы і Брусэля былі цалкам згорнутыя і замарожаныя».
Нагадаем, што Аляксандр Лукашэнка прыняў рашэнне падпісаць пагадненне аб спрашчэнні візавага рэжыму з ЕС. Пра гэта 20 верасня паведаміў прэс-сакратар МЗС Беларусі Анатоль Глаз. Паводле яго слоў, прэзідэнт прыняў такое рашэнне, разумеючы «высокую значнасць мабільнасці для грамадзян нашай краіны і толькі пасля дбайнай ацэнкі ўсіх магчымых рызык і наступстваў».
Цяпер чытаюць
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары