У Мінску сталі ўключаць ацяпленне: у дзіцячых садках, школах і бальніцах
У Мінгарвыканкаме прынялі рашэнне аб пачатку ацяпляльнага сезона ў сацыяльных аб'ектах сталіцы, паведамляюць Мінск-навіны.
Уключэнне сістэм ацяплення праводзіцца ў некалькі этапаў.
Першымі цяпло пачынаюць атрымліваць медыцынскія ўстановы, аб'екты сацыяльнага забеспячэння, школы і дашкольныя навучальныя ўстановы, музеі, дзяржаўныя архівы і бібліятэкі.
Там батарэі становяцца цёплымі, калі сярэднесутачная тэмпература паветра на вуліцы на працягу 5 сутак трымаецца на ўзроўні +10°С і ніжэй.
Пры сярэднясутачнай тэмпературы на працягу 5 сутак +8°C і меней цяпло падаецца ў жылфонд, інтэрнаты, гасцініцы, навучальныя ўстановы.
Трэцяя група спажыўцоў — грамадскія, адміністрацыйныя будынкі, прамысловыя прадпрыемствы і іншыя аб'екты. Туды падаваць цяпло пачынаюць па ўзгадненні з энергазабеспячальнымі арганізацыяй пры ўмове наяўнасці пашпарта гатоўнасці або акта праверкі гатоўнасці да работы ў асенне-зімовы перыяд і пасля пачатку ацяплення жылых дамоў.
Таксама цяпло сталі ўключаць у сацыяльных аб'ектах Магілёўскай вобласці.
Цяпер чытаюць
Вызваленым і дэпартаваным ва Украіну палітвязням не аддалі пашпарты7
Каментары