Сянцоў падарыў Макрону турэмны кубак: Можаце паставіць на паліцу або выкінуць у сметнік
Украінскі рэжысёр Алег Сянцоў распавёў, як прайшла сустрэча з прэзідэнтам Францыі Эманюэлем Макронам.
Паводле яго слоў, яны абмеркавалі перспектывы вызвалення ўкраінскіх палітвязняў і палонных, якіх незаконна ўтрымліваюць у Расіі і на акупаваных тэрыторыях, а таксама палітыку расійскага рэжыму.
Па словах былога вязня Крамля, ён паспрабаваў данесці да Макрона сваю пазіцыю адносна незаконнага ўтрымання 227 украінцаў на акупаваным Данбасе, а таксама 86 грамадзян Украіны ў Расіі.
«Каб інфармацыя замацавалася лепш, падарыў свой турэмны пластыкавы кубак з налепленым прозвішчам. Сказаў пры гэтым: «Можаце яе паставіць на паліцу, а можаце выкінуць у сметніцу — гэта не важна. Важней, каб вы не забывалі пра нашых палонных.» Абняліся», — распавёў Сянцоў.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары