19 лютага праходзіць афіцыйны візіт у Беларусь дэлегацыі Еўрасаюзу на чале з вярхоўным прадстаўніком па пытаннях супольнай замежнай палітыкі і палітыкі бяспекі ЕС, генеральным сакратаром Рады ЕС.
«Я б вельмі папрасіў, каб у адносінах паміж Беларуссю і Еўрасаюзам мы пастараліся выключыць усякіх пасрэднікаў, асабліва тых, хто непрыязна ставіцца да нашай краіны»,
— заявіў Аляксандр Лукашэнка 19 лютага ў Мінску на сустрэчы з прадстаўніком па пытаннях агульнай знешняй палітыкі і палітыкі бяспекі Еўрасаюза, генеральным сакратаром Савета ЕС Хаўерам Саланам.
«Я маю на ўвазе пасрэднікаў як унутры краіны, так і за яе межамі, а іх шмат», — заявіў А.Лукашэнка.
Паводле яго слоў, галоўная мэта сённяшняй сустрэчы — "з першых вуснаў выказаць вам усё тое, што мы гатовы зрабіць для наладжвання цесных і даверных адносінаў паміж Беларуссю і Еўрасаюзам".
"Я хачу расказаць вам, што мы можам зрабіць, а што не можам зыходзячы з інтарэсаў нашай краіны", — сказаў А.Лукашэнка.
Пры гэтым ён падкрэсліў, што будзе "гаварыць толькі праўду"."Мы не хочам і не збіраемся падманваць ЕС. Як бы ні было горка, мы будзем казаць вам праўду, што мы можам зрабіць, а што — не", — заявіў А.Лукашэнка.
Ён выказаў падзяку Х.Салану за тое, што той зрабіў "для наладжвання нашых адносінаў з Еўропай".
"Без вас не было б таго пацяплення, якое адбываецца зараз", — зазначыў А.Лукашэнка.
У той жа час, паводле слоў беларускага кіраўніка, у яго "складваецца ўражанне, што цяперашні этап нашых адносінаў характарызуецца наяўнасцю нейкага гандлю як у эканамічнай, так і ў палітычнай сферы". "Гэта, мусіць, непазбежна ў палітыцы, але, я лічу, непажадана", — сказаў А.Лукашэнка.
Паводле яго меркавання, у Еўрасаюзе "добра ўсведамляюць, што значыць сучасная Беларусь для Еўропы".
Са свайго боку Х.Салана зазначыў, што ЕС разглядае Беларусь як еўрапейскую краіну. "Перакананы, што наша сённяшняя размова будзе канструктыўнай і карыснай для нашых адносінаў. Я
таксама буду з вамі абсалютна шчыры", — сказаў Х.Салана.
Паводле яго слоў, увесь свет цяпер спрабуе пераадолець наступствы эканамічнага крызісу, які будзе мець і глабальныя палітычныя наступствы. "Я думаю, што надышоў час і гэта абмеркаваць у нашых адносінах", — заявіў прадстаўнік ЕС.
Х.Салана прыбыў у Мінск позна вечарам 18 лютага. Гэта першы візіт у Беларусь еўрачыноўніка такога ўзроўню. Апрача афіцыйных перамоў ён сустрэўся з прадстаўнікамі грамадзянскай супольнасці і апазіцыі.
Як паведаміў Х.Салана напярэдадні візіту, ён едзе ў Мінск "заявіць пра цікавасць ЕС развіваць адносіны з Беларуссю".
У МЗС прайшлі перамовы сам‑на‑сам паміж міністрам замежных спраў Беларусі Сяргеем Мартынавым і Генеральным сакратаром Рады ЭС Хаўерам Саланам. Сустрэча цягнулася больш за гадзіну.
Перамовы ў пашыраным складзе не адбыліся. Сяргей Мартынаў заявіў, што перамовы працягнуцца ў Аляксандра Лукашэнкі.
Прэс‑сакратар Х.Саланы патлумачыла журналістам пазіцыю Еўрасаюза, які хоча больш шчыльных стасункаў з Беларуссю. Але хацеў бы бачыць у Беларусі далейшыя дэмакратычныя працэсы.
***
19 лютага праходзіць афіцыйны візіт у Беларусь дэлегацыі Еўрасаюза на чале з вярхоўным прадстаўніком па пытаннях супольнай замежнай палітыкі і палітыкі бяспекі ЕС, генеральным сакратаром Рады ЕС Хаўерам Саланам.
Як паведаміла прэс‑служба Х.Саланы, візіт дасць магчымасць абмеркаваць «апошнія падзеі ў Беларусі, двухбаковыя адносіны і рэгіянальныя пытанні».
Напярэдадні візіту вярхоўны прадстаўнік ЕС сказаў журналістам, што едзе ў Мінск «заявіць пра інтарэс ЕС развіваць адносіны з Беларуссю».Ён таксама зазначыў, што беларускімі ўладамі былі прынятыя «важныя рашэнні, але гэтыя рашэнні павінны суправаджацца адказнасцю ва ўсіх сферах».
Гэта першы візіт еўрачыноўніка такога ўзроўню ў Беларусь. Чакаецца, што ў сакавіку беларускую сталіцу наведае еўракамісар па знешніх сувязях Беніта Ферэра‑Вальднер.
Ціханоўская будзе мець статус нацыянальнай лідаркі Беларусі да моманту правядзення свабодных выбараў у краіне27
Каментары