Эрдаган заявіў аб згодзе Расіі на пашырэнне турэцкай аперацыі ў Сірыі
Прэзідэнт Рэджэп Таіп Эрдаган заявіў, што турэцкая армія ў рамках ваеннай аперацыі «Крыніца міру» зойме горад Кабані, размешчаны на турэцка-сірыйскай мяжы. Пра гэта паведамляе Hurriyet.
Паводле яго слоў, па гэтай тэме ходзяць розныя чуткі, але афіцыйная Анкара даведалася праз дыпламатычныя каналы, што расійскія ўлады станоўча ставяцца да таго, каб турэцкія войскі занялі Кабані. «Падобна, што там не будзе праблем. Мы вядзем перамовы з Расіяй на ваенным і дыпляматычным узроўнях», - адзначыў прэзідэнт.
Таксама ён заявіў аб планах Турцыі гарантаваць бяспечны ўваход у горад Манбідж для сірыйскай арміі. Пры гэтым Эрдаган удакладніў, што турэцкі кантынгент не будзе ўваходзіць у горад. Кіраўнік дзяржавы нагадаў, што ў Анкары было пагадненне з ЗША па Манбіджу, згодна з якім з гэтага населенага пункта на працягу 90 дзён павінны былі быць выведзеныя ўсе тэрарысты, аднак гэтага не адбылося. «Цяпер мы ў працэсе рэалізацыі нашага рашэння. Манбідж павінен быць вызвалены ад баевікоў. У яго ўвойдуць яго сапраўдныя гаспадары - нашы арабскія браты», - дадаў Эрдаган.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты20
Каментары