Венесуэла можа перадаць Расіі нафтавую дзяржкампанію PDVSA у абмен на спісанне даўгоў
Улады Венесуэлы разглядаюць варыянт перадачы кантролю над асноўнай нафтаздабываючай кампаніяй краіны Petroleros de Venezuela (PDVSA) расійскай «Раснафце», паведамляе РБК са спасылкай на El Nacional. У абмен на гэта ў Каракасе разлічваюць на спісанне даўгоў з боку Масквы, сцвярджае выданне.
Паводле яго інфармацыі, расійскія прадстаўнікі разглядаюць прапанову венесуэльскага ўрада, спрабуючы на месцы зразумець рэальны стан кампаніі. Пры гэтым патэнцыйныя пакупнікі адзначаюць праблемы, звязаныя з магчымым пагадненнем, паведаміла крыніца El Nacional. Асноўная з іх звязана з тым, што на PDVSA цяпер рэальна працуюць 140 тысяч чалавек, а для паспяховага развіцця кампаніі неабходныя значныя скарачэнні.
Акрамя гэтага ёсць пытанне ў фармаце здзелкі, бо яна не будзе аформлена як перадача кампаніі ў прыватныя рукі. У любым выпадку канчатковы дазвол на продаж PDVSA павінен даць парламент краіны.
Суразмоўцы El Nacional паведамілі, што ва ўрадзе Венесуэлы разлічваюць на максімальна аператыўнае заключэнне пагаднення, паколькі ўласных сродкаў на развіццё PDVSA ва ўладаў няма.
Афіцыйны прадстаўнік «Раснафты» заявіў РБК, што кампанія не каментуе чуткі.
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары