Украіна ўвяла спецрэжым у зоне канфлікту на тэрыторыі Данбаса. Што ён прадугледжвае?
Украіна ўвяла спецыяльны рэжым у зоне ўзброенага канфлікту на тэрыторыі Данбаса. Ён часткова абмяжоўвае правы грамадзянаў і пашырае паўнамоцтвы ўкраінскіх вайскоўцаў, паведамляе Радыё Свабода.
Мясцовым жыхарам, у прыватнасці, забараняецца заязджаць або выязджаць з зоны правядзення аперацыі ўкраінскіх войскаў. Забараняецца таксама «наведваць лясныя масівы», праводзіць фота- і відэаздымкі, а таксама «захоўваць, выкарыстоўваць ці перамяшчаць» любую зброю, у тым ліку зарэгістраваную. Акрамя гэтага, забароненыя палёты беспілотных і лёгкаматорны лятальных апаратаў, а таксама выкарыстанне любых радыёстанцый у транспартных сродках.
Украінскія вайскоўцы пры гэтым атрымліваюць права на прымяненне зброі супраць «асобаў, якія ўчынілі або здзяйсняюць правапарушэнні», правяраць дакументы ў насельніцтва, надглядаць асабістыя рэчы мясцовых жыхароў, у выпадку службовай неабходнасці выкарыстоўваць іх транспарт, а таксама займаць іх дамы і іншыя памяшканні.
З чым звязана ўвядзенне рэжыму, не паведамляецца. Ён пачаў дзейнічаць яшчэ 28 кастрычніка, але афіцыйна камандаванне ўкраінскіх войскаў паведаміла пра яго толькі сёння.
Раней стала вядома, што ў пасёлку Залатое на ўсходзе Украіны пачалося развядзенне сіл бакоў канфлікту. Чакаецца, што працэс зойме месяц. Вывад узбраенняў — вынік дамоўленасцей трохбаковай кантактнай групы. Масква называла развядзенне сіл умовай для новага саміту ў «нармандскім фармаце», правядзення якога дамагаецца Украіна.
Генеральны сакратар НАТА Енс Столтэнберг павітаў намаганні, накіраваныя на развядзенне сіл у Залатым. Ён заявіў пра гэта ў сераду на брыфінгу з віцэ-прэм'ерам Украіны па пытаннях еўрапейскай і еўраатлантычнай інтэграцыі Дзмітрыем Кулебам. Столтэнберг адзначыў, што НАТА імкнецца да выключна дыпламатычнага вырашэння канфлікту на ўсходзе Украіны.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары