Кіраўнік МЗС Украіны Вадзім Прыстайка заявіў, што новы абмен зняволенымі з Расіяй будзе яшчэ больш маштабным, чым папярэдні. Пра гэта ён сказаў у інтэрв'ю ТСН.
Паводле яго слоў, зараз бакі займаюцца падборам кандыдатаў для абмену - іх справы вывучаюцца, прапрацоўваюцца юрыдычныя аспекты магчымага вызвалення. Адказваючы на пытанне журналістаў аб тэрмінах правядзення абмену, у прыватнасці, ці адбудзецца ён да сустрэчы «нармандскай чацвёркі» ці пазней, Прыстайка заявіў, што гэтыя працэсы не звязаныя.
Пры гэтым ён адзначыў, што Кіеў быў бы рады, калі саміт паспрыяе абмену. «Для нас любая затрымка з вызваленнем людзей, гэта, мякка кажучы, трагедыя. Мы не прывязваемся да гэтага ніяк», — сказаў ён, дадаўшы, што Украіна спадзяецца, што працэс абмену завершыцца як мага хутчэй.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх4
Каментары