Зяць Радзькова: Варта падумаць пра кампенсацыю дзяржаве ад кандыдатаў, якія займаюцца лухтой
У «Клубе рэдактараў» на «Беларусь 1» выступіў зяць Аляксандра Радзькова, колішняга першага намесніка кіраўніка Адміністрацыі прэзідэнта (2010-2014).
Уладзімір Пярцоў узначальвае прадстаўніцтва тэлерадыёкампаніі «Мір» у Беларусі.
«Хацеў бы сказаць пра бясплатны эфірны час. Вось уявіце выбары ў любой іншай замежнай дэмакратычнай краіне, тых жа ЗША. Там за кандыдатам, калі ты не багаты, як Дональд Трамп, стаяць лабісцкія групы, спонсары, мецэнаты, якія плацяць за эфіры велізарныя грошы. І ты прыходзіш на дэбаты або выступленне і пачынаеш займацца нейкай лухтой — робіш усё, каб цябе знялі з эфіру, каб сарваць выступ, наўмысна парушаеш закон. І што тады табе ў выніку скажуць спонсары, якія даюць грошы, каб ты перамог і лабіраваў іх інтарэсы? А ў нас дзяржава марнуе грошы на гэтыя выступы, на нятанны эфірны тэлевізійны і радыйны час. А некаторыя прэтэндэнты на мандат робяць усё што заўгодна. У тым ліку парушаюць закон. Варта было б падумаць пра нейкую кампенсацыю затрачаных рэсурсаў з боку такіх кандыдатаў у дэпутаты, якія проста прапальваюць дарагі эфірны час», — падзяліўся сваім меркаваннем Уладзімір Пярцоў.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве15
Каментары