Тэлевядучы Крывашэеў выбачыўся за тое, што назваў сына Вазняка «буйным». А той проста праходзіў рэабілітацыю пасля ДТЗ
Журналіст БТ Андрэй Крывашэеў папрасіў у фэйсбуку прабачэння ў аднаго з лідараў «Гавары праўду» Сяргея Вазняка.
У эфіры «Панарамы» за 16 лістапада Крывашэеў пералічыў медыцынскія дыягназы некаторых назіральнікаў на парламенцкіх выбарах.
Сярод іншага, прагучала фраза: «Нехта Вазняк — яшчэ адзін буйны пасля псіхіятрычнага лячэння». Гаворка вялася пра сына Сяргея Вазняка.
«Восем гадоў таму ў выніку ДТЗ Алёша атрымаў цяжкую чэрапна-мазгавую траўму. Дзевяць дзён знаходзіўся ў коме. Пачаўся ацёк галаўнога мозгу. На гэта жудасна было глядзець. Дактары казалі, што шанцаў выжыць у яго няма, — напісаў Вазняк у фэйсбуку. —
Чытайце пра тое здарэнне. BMW у цэнтры Мінска ўрэзаўся ў аўтобус: загінула дзяўчына
А ён выжыў. Было доўгае лячэнне і аднаўленне. Месяц рэанімацыі. Месяц нейрахірургіі. Месяц у аздараўленчым цэнтры. Потым гады амбулаторнага лячэння.
Мы ўсе разам — ён сам, беларускія дактары, уся наша сям'я — вярнулі яго да нармальнага жыцця (на фота — мы з ім летам мінулага года катаемся на роварах).
Я растлумачыў [Крывашэеву], што сын мой ніякі не «буйны». У выніку траўмы ў яго была зусім іншая праблема — поўная страта памяці. Настолькі поўная, што некалькі месяцаў ён не пазнаваў нас з Вольгай — сваіх бацькоў».
Крывашэеў прынёс персанальныя прабачэнні Сяргею Вазняку, а пасля напісаў і яго сыну.
У выніку вядучы БТ напісаў допіс, у якім папрасіў прабачэння за залішнюю эмацыйнасць у тэксце сюжэту, аднак запэўніў, што інфармацыя адпавядае рэчаіснасці.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары