Прэзідэнт Украіны Уладзімір Зяленскі лічыць, што мінскія пагадненні з'яўляюцца дыпламатычнай паразай Украіны. З такой заявай ён выступіў на брыфінгу па выніках саміта «нармандскай чацвёркі», трансляцыю якога на YouTube вёў тэлеканал «112 Украіна».
Самай вялікай паразай у мінскіх пагадненнях Зяленскі назваў пытанне атрымання Кіевам кантролю над расійска-ўкраінскай мяжой на Данбасе. Ён удакладніў, што, па яго асабістай думцы, пытанне з мяжой павінна быць вырашана да правядзення на тэрыторыях самаабвешчаных рэспублік выбараў, а не так, як прапісана ў мінскіх пагадненнях. Сутнасць супярэчнасцяў ён патлумачыў тым, што для Украіны праблема кантролю над мяжой з'яўляецца пытаннем бяспекі, а для Расіі — пытаннем палітыкі.
Прэзідэнт Украіны адзначыў, што падчас перамоваў «нармандскай чацвёркі» ён паспрабаваў данесці свой пункт гледжання да Уладзіміра Пуціна, аднак расійскі прэзідэнт заявіў, што «не бачыць іншага выйсця», акрамя як прытрымлівацца першапачатковых дамоўленасцей.
«Мы закладнікі Мінска», — канстатаваў Зяленскі.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення13
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары