Калі на Блізкім Усходзе выбухне вайна, Еўропа і Кітай пацерпяць мацней за ЗША і Расію
На Блізкім Усходзе можа адбыцца новы вялікі выбух.
5 студзеня парламент Ірака прыняў рэзалюцыю з заклікам вывесці амерыканскія войскі з краіны. У Іраку дагэтуль стаяць каля 5000 амерыканскіх вайскоўцаў, а пасольства ў Багдадзе — найбольшая амерыканская дыпмісія ў свеце.
Вашынгтон заклікаў перагледзець гэтае рашэнне.
Рэзалюцыя парламента не мае сілы закона, але дае права ўраду краіны прыняць адпаведнае рашэнне. Пакуль няясна, ці слабы ўрад Ірака адважыцца на такі рэзкі крок у адносінах да ЗША, якія яшчэ нядаўна ажыццяўлялі акупацыю гэтай краіны.
Прэзідэнт Трамп і кіраўніцтва Ірана ў нядзелю абмяняліся новымі пагрозамі.
Тым часам аўтарытарны прэзідэнт Турцыі Рэджэп Эрдаган абвясціў, што турэцкія войскі пачалі высадку ў сталіцы Лівіі Трыпалі. Такім чынам Эрдаган хоча ўратаваць урад сваіх лівійскіх саюзнікаў, які блізкі да падзення пад ударамі апазіцыйнай яму «Лівійскай нацыянальнай арміі», якую падтрымліваюць Егіпет, Расія, Судан і Саудаўская Аравія.
У выпадку выбуху ваенных дзеянняў вакол Ірана цэны на нафту ўзляцяць да беспрэцэдэнтна высокага ўзроўню, што выкліча мегакрызіс у сусветнай эканоміцы, наступствы якога можна будзе параўнаць з сітуацыяй 1973—1975 гадоў. Калі такое здарыцца, Еўропа і Кітай пацерпяць нашмат мацней за ЗША і Расію. Бо першыя залежаць ад паставак энерганосьбітаў з Блізкага Усходу, тады як апошнія энергетычна самадастатковыя.
-
Фядута — Калеснікавай: Машанька, ці вярніцеся на Месяц, ці не вучыце жыць тых, хто стаміўся набіваць гузы ад чарговага наступання на граблі
-
Мінску трэба выдушыць з сябе правінцыйнасць і вярнуць нахабства і бляск Вялікага Горада
-
Каму яшчэ што можа стаць трэба «для нацыянальнай бяспекі» і як тут быць Беларусі
Каментары