У Мёрскім раёне труп госця некалькі дзён прасядзеў за святочным сталом
8 студзеня ў міліцыю звярнулася жыхарка Чэрасаў, паведамляе абласная міліцыя.
Жанчына распавяла, што 50-гадовы муж некалькі дзён не начаваў дома. Міліцыя высветліла, што апошні раз яго бачылі ў гасцях у аднавяскоўца-рамесніка, які нядаўна вярнуўся з Расіі.
У хаце і знайшлі зніклага. Прычым яго труп знаходзіўся ў крэсле за сталом, дзе некалькі дзён ішло застолле.
Як высветліла экспертыза, у мужчыны была драпіна на галаве, ад якой ён і памёр. Уладальнік дома прызнаўся, што нанёс яму ўдар паленам падчас сваркі. З-за апранутага на галаву капюшона, вясковец не адразу звярнуў увагу на здарэнне і працягнуў піць.
Пазней, як прызнаўся мужчына, у яго былі падазрэнні, што з госцем не ўсё ў парадку.
Заведзена крымінальная справа.
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары