Стала вядома, калі Пампеа ляціць ва Украіну. Раней у яго графіку Беларусь была наступнай
Прэзідэнт Украіны Уладзімір Зяленскі падчас тэлефоннай размовы з дзяржсакратаром ЗША Майкам Пампеа ўзгадніў далейшы графік двухбаковых кантактаў паміж Кіевам і Вашынгтонам на вышэйшым узроўні, перш за ўсё візіт Пампеа ва Украіну ў канцы студзеня, які быў перанесены з 3 студзеня. Нагадаем, планавалася, што адразу пасля візіту ва Украіну Пампеа наведае Беларусь.
Зяленскі праінфармаваў суразмоўцу аб ходзе расследавання катастрофы ўкраінскага самалёта ў Тэгеране, а Пампеа выказаў спачуванні ад імя амерыканскага народа ў сувязі з трагедыяй, падтрымку і гатоўнасць садзейнічаць у правядзенні бесстаронняга расследавання.
Бакі таксама абмеркавалі бягучае развіццё сітуацыі на Блізкім Усходзе і перспектывы яе нармалізацыі.
Нагадаем, 31 снежня адбылася спроба нападу на амбасаду ЗША ў Іраку.
У выніку нападу на амбасаду ў Багдадзе Майк Пампеа адклаў паездку ў Беларусь і іншыя краіны Еўропы і Цэнтральнай Азіі.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе9
Каментары