Двое жыхароў Мастоў (Гродзенская вобласць) вярталіся з заробкаў з Масквы. Прычым знікненне вялікай сумы грошай і мабільнага тэлефона яны заўважылі толькі тады, калі выйшлі з цягніка. Мужчыны адразу ж звярнуліся па дапамогу да супрацоўнікаў міліцыі, паведамляе прэс-служба МУС
Праваахоўнікі неадкладна падключыліся да працы. Правёўшы шэраг аператыўна-вышуковых мерапрыемстваў, яны ўстанавілі, што да крадзяжу 83 тысяч расійскіх рублёў (каля 2800 беларускіх) і мабільнага тэлефона з зараднай прыладай датычны 33-гадовы жыхар Расіі, які прыехаў у сталіцу ў тым жа цягніку, што і пацярпелыя.
Раніцай, калі цягнік ужо пад'язджаў да сталічнага чыгуначнага вакзала, фігурант прагульваўся па вагоне. Заўважыўшы, што двое мужчын моцна спяць, расіянін забраў у аднаго з іх кашалёк з грашыма, а ў другога — мабільны тэлефон.
Праваахоўнікам затрыманы растлумачыў, што выкрадзеныя ў мужчын грошы ён патраціў на ігральныя ўстановы. Мабільны тэлефон і зарадная прылада ў яго былі канфіскаваныя і перададзеныя законнаму ўладальніку.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся8
Каментары