Міністар транспарту і камунікацыяў Беларусі не выключае, што прадпрыемствы дзяржаўнай уласнасьці, якія займаюцца перавозкай пасажыраў, могуць сысьці зь міжгародніх і міжнародных перавозак.
Міністар транспарту і камунікацыяў Беларусі не выключае, што прадпрыемствы дзяржаўнай уласнасьці, якія займаюцца перавозкай пасажыраў, могуць сысьці зь міжгародніх і міжнародных перавозак.
«Шчыра кажучы, мы бачым, як гэтыя працэсы ўжо адбываюцца», - заявіў У.Сасноўскі ў мінулы чацьвер у Менску на сэмінары па праблематыцы пасажырскіх аўтаперавозак.
Ён патлумачыў, што ў першую чаргу такая сытуацыя выкліканая ня самай гнуткай фінансава-эканамічнай палітыкай прадпрыемстваў.
«Тут (у сфэры міжгародніх і міжнародных перавозак) патрэбная вельмі гнуткая фінансавая і эканамічная палітыка. Тут буйныя прадпрыемствы, магчыма, утварацца ня будуць, бо гнуткасьць, як мы ведаем, ім дужа не ўласьцівая», - адзначыў міністар.
Разам з тым, ён лічыць, што «нельга сказаць, што дзяржава не такі ўжо высокаэфэктыўны ўласьнік, і дзяржаўныя прадпрыемствы ня здольныя канкураваць у гэтым сэгмэнце», і адзначыў пры гэтым, што «сфэра канкурэнтнай барацьбы павінна пашырацца».
Ён таксама нагадаў, што недзяржаўныя перавозчыкі занялі пэўную нішу ў сфэры аўтаперавозак.
«Напрыклад, паслугі легкавых таксі. Сфэра, у якой дзяржава практычна не займаецца, - сказаў Сасноўскі. - А сфэра маршрутных таксі была ўвогуле ініцыяваная прыватнымі інвэстарамі, хаця дзяржаўныя прадпрыемствы падключыліся на пэўным этапе да гэтае працы».
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?11
Каментары