Больш за чвэрць беларускіх кампаній — удзельніц апытання аб антыкрызісных мерах — заявілі пра скарачэнне персаналу.
26% беларускіх кампаній, якія ўзялі ўдзел у анкетаванні кансалтынгавай групы «Тут і цяпер» аб антыкрызісных мерах,заявілі пра скарачэнне персаналу. Пра гэта паведаміла кіраўнік дэпартамента рэкрутынгу кансалтынгавай групы Алена Дрозд 12 сакавіка на міні‑форуме для спецыялістаў па працы з персаналам у Мінску.
Апытанне было праведзена ў лютым сярод кіраўнікоў 63 сярэдніх і буйных кампаній, якія працуюць на рынку больш за два гады і маюць абарот ад 1 млн. даляраў. Удзельнікі анкетавання адказвалі на пытанне аб мерах, «якія прыняла кампанія для таго, каб скараціць рызыкі сённяшняга дня».
23% кампаній у якасці антыкрызіснай меры праіндэксавалі заработную плату супрацоўнікаў.
Толькі невялікая частка з іх штомесяц пераглядае зарплаты, многія арыентуюцца на больш нізкі курс долара. 21% кампаній у якасці антыкрызіснай меры зафіксавалі заработную плату ў рублях. 19% кампаній інтэнсіфікавалі маркетынгавыя намаганні, столькі ж удзельнікаў апытання перагледзелі суадносіны фіксаванай і прэміяльнай частак зарплаты. Пры гэтым, калі ў лютым у большасці кампаній урэзалі прэміі, то цяпер сітуацыя мяняецца: прэміяльная частка вяртаецца, але скарачаецца аклад.
11% удзельнікаў апытання ў якасці антыкрызіснай меры інвеставалі рэсурсы ў мэтах развіцця новых кірункаў збыту, столькі ж скарачалі складскія запасы.
8% апытаных знізілі заработную плату супрацоўнікам.Як зазначыла А.Дрозд, гэта зрабілі ў асноўным арганізацыі з расійскімі інвестыцыямі — яны «назіраюць сітуацыю ў Расіі, ад якой мы адстаём». Пры гэтым рашэнне аб поўнай індэксацыі зарплат прымалася ў асноўным у невялікіх кампаніях з добрымі абаротамі, якія даўно працуюць на рынку. Кампаніі буйныя, у асноўным вытворчыя, не індэксавалі заработную плату або прынялі рашэнне аб частковай індэксацыі выплат ключавым супрацоўнікам.
8% кампаній скарацілі затраты на дадатковыя выплаты і сацыяльныя льготы, па 5% удзельнікаў апытання адмянілі сацыяльныя пакеты, запланаванае павышэнне зарплат або скарацілі бюджэт на маркетынг і рэкламу. 3% кампаній ўвялі дадатковыя адпачынкі, якія аплачваюцца.
Цяпер чытаюць
Сцвярджаецца, што кіраўнік Butikavto Іван Лябейка ўжо на свабодзе1
Каментары