У міліцыю звярнуліся ўсхваляваныя жыхары Ленінскага раёна сталіцы: невядомы пашкодзіў іх транспартныя сродкі, сарваўшы 17 люстэркаў, паведамляе гарадская міліцыя.
Праваахоўнікі, азнаёміўшыся з запісамі камер відэаназірання, высветлілі, што нахуліганіў 34-гадовы мінчук.
Ён, вяртаючыся дадому пасля карпаратыву, пачаў па дарозе адрываць бакавыя люстэркі ў аўтамабіляў.
Пасля чаго выкідаў іх у смеццевы кантэйнер і ўцякаў. Такім чынам ён пашкодзіў 17 аўтамабіляў. Матыў свайго ўчынку патлумачыць не змог, бо нічога не памятае.
Прычыненая шкода складае 5100 рублёў.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары