Злучаныя Штаты з пятніцы, 13 сакавіка на 30 дзён уводзяць забарону на ўезд у краіну замежнікаў, якія прыбываюць з еўрапейскіх дзяржаў. Выключэнне будзе зроблена толькі для Вялікабрытаніі. Пра гэта паведаміў прэзідэнт ЗША Дональд Трамп, выступаючы ў сераду ўвечары з тэлезваротам да суграмадзян у сувязі з пашырэннем каранавіруса, піша tass.ru.
Трамп патлумачыў павелічэнне маштабаў распаўсюду каранавіруса ў ЗША тым, што Еўрапейскі саюз не прыняў неабходных мер для абмежавання паездак.
«У самым пачатку ўспышкі мы ўсталявалі маштабныя абмежаванні на ўезд з Кітая і ўвялі ў дзеянне першы за 50 гадоў каранцін на федэральнай узроўні. Мы абвясцілі надзвычайную сітуацыю ў сферы аховы здароўя і ўсталявалі самы высокі ўзровень засцярогі ад паездак у іншыя краіны, куды распаўсюджвалася гэтая жудасная інфекцыя», — сказаў ён.
«Пасля прыняцця гэтых ранніх і вельмі сур'ёзных мер у Злучаных Штатах было значна менш выпадкаў заражэння вірусам, чым цяпер маецца ў Еўропе», — адзначыў Трамп. «Еўрапейскі саюз не прыняў такія ж меры засцярогі і не абмежаваў уезд з Кітая і іншых месцаў пашырэння. У выніку тыя, хто прыязджае з Еўропы, стварылі ў ЗША вялікую колькасць новых ачагоў», — перакананы кіраўнік Белага дома.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары