Улады Расіі хаваюць інфармацыю пра маштабы эпідэміі? Лукашэнка: «Як сказаў прэм'ер Расіі, у іх пажар: не ўсё ў СМІ давалі»

Кіраўнік Беларусі падверг кіраўніцтва Расіі крытыцы за аднабаковае рашэнне пра закрыццё мяжы між краінамі для пасажырскага руху.

Аляксандр Лукашэнка адзначыў, што за ім стаіць прыхоўванне рэальнай сітуацыі з вірусам у Расіі, але назваў рэакцыю расійскага кіраўніцтва неадпаведнай.

«Як учора сказаў прэм'ер Расіі, у іх пажар: не ўсё ў СМІ давалі. У іх цяжкая сітуацыя. Так нам трэба баяцца гэтай сітуацыі, вы чаго баіцеся Беларусі? Прытым пры такім нашым кантролі і стаўленні да гэтай праблемы. Давайце разам гэта рабіць — не, закрылі. Што ж, гэта іх справа», — падсумаваў Аляксандр Лукашэнка.

Ён падкрэсліў, што ў сітуацыі, якая склалася, галоўнае, каб не пацярпелі людзі і эканоміка. «А што думае ўрад Расіі ў гэтай сітуацыі? Бо за год 110 млн т грузу перамясцілася транзітам. Яны што, праз Украіну дамовіліся вазіць? Так Украіна даўно закрылася. Праз Прыбалтыку? Яна таксама закрылася. Як яны будуць наогул гэтыя грузы перамяшчаць? Можа, нам падумаць, а раптам вірус у трубе з нафтай або з прыродным газам? 70 млн т нафты транспартуюць па нафтаправодзе «Дружба». Вось што думалі людзі, калі прымалі такія рашэнне?» — задаўся пытаннямі ён.

Таксама ён выказаў неразуменне, а што будуць рабіць беларускія і расійскія грамадзяне, якія працуюць або вучацца ў іншай краіне. «Як можна прымаць такія рашэнні? Не параіўшыся, паставіць перад фактам. Гэта для мяне незразумела. І самае цікавае: калі ўжо закрываць мяжу — гэта, напэўна, не ўрада справа. Гэта рашэнне павінен прымаць прэзідэнт краіны», — заўважыў Аляксандр Лукашэнка. Ён распавёў, што пакуль не звязваўся з расійскім лідарам, але тэлефонная размова паміж прэзідэнтамі запланавана. «Можа, яны ўжо па новай Канстытуцыі жывуць? Хто яго ведае», — іранізаваў кіраўнік дзяржавы.

Аляксандр Лукашэнка заклікаў расійскі бок і жыхароў дзвюх краін не ствараць паніку. «Не трэба лішніх рухаў, якія б ўскладнілі і так няпростыя на сённяшні дзень адносіны паміж дзвюма дзяржавамі», — сказаў ён.

Ён пацікавіўся, што ў гэтай сітуацыі прапануюць распачаць у Беларусі. Ён адзначыў, што калі краіна пойдзе на меры ў адказ, то «да Крамля фуры будуць стаяць у чарзе, а людзі будуць у шаленстве».

«Нам трэба, зрабіўшы высновы, дакладна вызначыцца, як будзем дзейнічаць далей. Адзінае, папрашу (я ўчора і прэм'ер-міністру даручыў): не павінны пацярпець людзі. Нам не трэба закрываць ні ад палякаў, ні ад расіянаў, ні ад украінцаў. Яны хочуць — хай закрываюцца. Нам не трэба гэтага рабіць, бо гэта пустое. Закрыцца ўсё роўна мы не зможам, гэта немагчыма. Асабліва там, дзе няма мяжы з Расіяй: там людзі стагоддзямі хадзілі і будуць хадзіць, і калі, не дай бог, ўжо нейкая чума, то мы яе тэрытарыяльна не пераможам. Трэба дзейнічаць так, як мы дзейнічаем цяпер: нейкае падазрэнне — мы правяраем чалавека, трэба на каранцін — калі ласка, давайце на каранцін. ​​Менавіта кропкава, прафесійна трэба дзейнічаць, а не тэрытарыяльна: перакрылі, закрылі», — перакананы беларускі кіраўнік.

• 0
• 0
• 0
• 0
• 0
• 0
• 0
• 0