Міністэрства аховы здароўя прапрацоўвае пытанне дастаўкі лекаў з аптэк на дом. Пра гэта паведаміў сёння журналістам кіраўнік ведамства Уладзімір Каранік, піша БелТА.
«Калі ёсць электронны рэцэпт, не трэба папяровага носьбіта. Гэта значыць пенсіянер можа патэлефанаваць у паліклініку, і доктар выпіша электронны рэцэпт. Безрэцэптурныя прэпараты можна будзе замовіць па тэлефоне альбо па інтэрнэце з дастаўкай на дом. Мы прапрацоўваем гэтую сістэму», — распавёў Уладзімір Каранік.
Пакуль гаворка ідзе пра аптэкі, якія маюць стацыянарную сетку, у прыватнасці, дыстрыб'ютары «Фармацыя». Магчыма, да гэтай сістэмы змогуць далучыцца і іншыя буйныя сеткі.
Раней з'явілася інфармацыя, што аптэчныя сеткі ADEL і «Добрыя лекi» запусцілі магчымасць анлайн-замовы лекаў з дастаўкай у бліжэйшую да пакупніка аптэку. Анлайн-браніраванне запрацавала амаль ва ўсіх гарадах краіны.
-
«А рускіх імёнаў не знайшлося?» Былы футбаліст зборнай Расіі здзівіўся імёнам беларускіх дзяцей
-
«У дачкі мукавісцыдоз, у сына дыябет і аўтызм. Іх мама ў турме, і дзеці цяпер на мне адным». Сям'і палітвязня патрэбная дапамога
-
У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі
Каментары