На ягоную думку, чакаюцца неплацяжы і падзенне цэнаў на нафту.
Расійскую эканоміку чакае новая хваля крызісу, заявіў міністр фінансаў Расіі Аляксей Кудрын на калегіі Міністэрства эканамічнага развіцця (МЭР).
Новае падзенне будзе выклікана ростам пратэрміновак і невяртанняў крэдытаў.
«Цяпер мы перажываем другую хвалю праблем фінансавай сістэмы ў сувязі з невяртаннем крэдытаў рэальным сектарам», – патлумачыў міністр.
Гэта будзе адбывацца ад таго, што ў найбліжэйшай будучыні попыт на прадукцыю кампаній рэальнага сектару застанецца на нізкім узроўні.
Усе надзеі на хуткае ажыўленне эканомікі беспадстаўныя, мяркуе Кудрын,і нават рост попыту з боку дзяржавы, на які разлічваюць многія, толькі «кропельніца для хворага» і карэнным чынам сітуацыі не зменіць.
На заяву Кудрына расійскія фондавыя рынкі адказалі падзеннем каціровак.
Каментары