Нечаканае наступства каранавіруса: дэфіцыт прэзерватываў
![](http://nashaniva.com/img/w840d4webp1/photos/z_2020_03/condoms_leakage_test_condom_museum-tynb4.jpg.webp)
Малайзійская кампаніія Karex Bhd вырабляе кожны пяты кандом у свеце. За апошні тыдзень яна не вырабіла ніводнага, бо ўрад гэтай паўднёваазіяцкай краіны ўвёў строгі каранцін, каб спыніць распаўсюд каранавіруса. У тым ліку былі закрытыя ўсе прадпрыемствы, не звязаныя з фармацэўтычным і харчовым ланцужкамі.
Гэта імгненна прывяло да дэфіцыту на сусветным рынку 100 мільёнаў прэзерватываў — менавіта столькі Karex Bhd вырабляў за тыдзень.
Так што, магчыма, тыя людзі, якія ва ўсім свеце ажыятажна расхоплівалі туалетную паперу, памыляліся з выбарам тавару.
Сярод брэндаў, якія выкарыстоўвалі малайзійскія прэзерватывы, быў, напрыклад, прысутны на ўсходнееўрапейскім рынку Durex.
Улады Малайзіі далі Karex Bhd адмысловы дазвол аднавіць дзейнасць з пятніцы, але толькі з 50-працэнтавай загрузкай. Дзеля гэтага кампаніі надалі статус «крытычна важнай вытворчасці», паведамляе агенцтва Ройтэрз. 50-працэнтавае абмежаванне мае на мэце забяспечыць захаванне бяспечнай дыстанцыі між работнікамі на вытворчасцях.
Каментары